Ölkə futbolu

"Qəbələ"nin futbolçusu 6 oyunluq cəzalandırıldı

Şriftin ölçüsü:

19.04.2013 18:36

Bu gün AFFA İntizam Komitəsinin iclası keçirilib. Futbolxeber.az-ın məlumatına görə, toplantıda aşağıdakı qərarlar qəbul edilib:

17 aprel 2013-cü il U-19 Liqasının “Qəbələ” – AZAL matçının 36-cı dəqiqəsində “Qəbələ” klubunun 96 №-li futbolçusu Vəzir Musayev hakimi təhqir etdiyinə görə və oyundan sonra soyunub-geyinmə otağının qapısını sındırdığı üçün 6 oyunluq cəzalanır(maddə 42.3, maddə 38.3). “Qəbələ” klubu isə Binə qəsəbə stadionunun rəhbərliyinin dəymiş zərərə uyğun olaraq kluba təqdim edəcəyi hesab əsasında ödəmə etsin.

17 aprel 2013-cü il U-19 Liqasının “Sumqayıt” – “Rəvan” matçının 41-ci dəqiqəsində “Sumqayıt” klubunun 12 №-li futbolçusu Orxan Abdullayev sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

15 aprel 2013-cü il "Azercell U-17 Liqa"nın “Xəzər Lənkəran” – AZAL matçının 41-ci dəqiqəsində “Xəzər Lənkəran” klubunun 10 №-li futbolçusu Anar Babazadə idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

15 aprel 2013-cü il "Azercell U-17 Liqa"nın “Sumqayıt” – “Qarabağ” matçının 80+1-ci dəqiqəsində “Qarabağ” klubunun 14 №-li futbolçusu Elnur Mustafayev hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır (maddə 42.3).

16 aprel 2013-cü il "Kapital Bank U-15 Liqa"nın “Neftçi” – “Qəbələ” matçının 35-ci dəqiqəsində “Qəbələ” klubunun 3 №-li futbolçusu Elvin Dəmirov hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır (maddə 42.3).

Oyun başa çatdıqdan sonra “Qəbələ” klubunun 9 №-li futbolçusu Coşqun Süleymanov hakimi təhqir etdiyi üçün futbolçu 4 oyunluq cəzalanır (maddə 42.3).

16 aprel 2013-cü il "Kapital Bank U-15 Liqa"nın “Qarabağ” – “Əlincə” matçının 68-ci dəqiqəsində “Əlincə” klubunun 9 №-li futbolçusu Qara Qarayev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

U-14 Liqasında çıxış edən “Şirvanovka” klubunun futbolçusu Elmar Kərimovun sənədlərinin saxta olması aşkar edilmişdir. Futbolçunun iştirak etdiyi bütün oyunlarda kluba 0:3 hesablı texniki məğlubiyyət verilir(maddə 51).

17 aprel 2013-cü il "Coca-Cola U-13 Liqa"nın Gİİ (Xətai) – “Səbail” matçında Gİİ (Xətai) klubu iştirak etmədiyi üçün kluba 0:3 hesablı texniki məğlubiyyət verilir (maddə 56).

17 aprel 2013-cü il "Coca-Cola U-13 Liqa"nın AZAL – “Vətən” matçının 22-ci dəqiqəsində “Vətən” klubunun 18 №-li futbolçusu Çingiz Əhmədov sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

17 aprel 2013-cü il "Coca-Cola U-13 Liqa"nın “Bakı kəndləri” – “Qarabağ” matçının 12-ci dəqiqəsində “Qarabağ” klubunun 13 №-li futbolçusu Fəxrəddin Əliyev sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

17 aprel 2013-cü il "Coca-Cola U-13 Liqa"nın “Sahil 319” – “Bakı” matçının 6-cı dəqiqəsində “Sahil 319” klubunun 8 №-li futbolçusu Ədalət Yusifov hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır (maddə 42.3).

Xəbəri paylaş