Toşak: "Bəxtimiz gətirdi ki..."

"Bu gün komandamın oyunu məni çox məyus etdi. 0:1 hesabı ilə uduzmuşuqsa, ancaq bəxtə minnətdar olmalıyıq". Futbolxeber.az-ın məlumatına görə, bu sözləri "Bakı" ilə oyundan sonra "Xəzər Lənkəran"ın baş məşqçisi Con Toşak deyib.

Uelsli mütəxəssis Orxan Sadıqlının sayəsində böyükhesabla uduzmadıqlarını qeyd edib: "Rəqib bu gün bizdən qat-qat yaxşı oynadı. Hesab bəlkə də 3 və ya 4:0 olmalıydı. Mən həmkarımın yerində olsaydım, 1:0 hesablı qələbəyə görə təəssüflənərdim. 90 dəqiqə ərzində qapıya bir dəqiq zərbə belə endirmədik. Orxan Sadıqlı bu gün əla çıxış etdi. Bu gün karyeram ərzində ən yaxşı qapıçılardan birini gördüm. Əgər, cavab oyunu öncəsi final üçün şansımızı saxlamışıqsa, buna görə məhz qapıçımıza minnətdar olmalıyıq".