Sehiç: “Çempion olacağıq”

“Qarabağ”ın bosniyalı qapıçısı İbrahim Sehiç ölkəsinin mətbuatına müsahibə verib. Futbolxeber.az-ın məlumatına görə, Sehiç Azərbaycan çempionatının səviyyəsinin günü-gündən artdığını bildirib: “Azərbaycan çempionatının belə səviyyəyə malik olmasını gözləmirdim. Azərbaycanda futbola çoxlu pul ayırırlar, çempionat gündən-günə inkişaf edir. Oynadığım komandada həqiqətən hamı yüksək səviyyədə çalışır. Bu səbəbdən mən sadəcə öz oyunuma, fiziki hazırlığıma və məşqlərimə diqqət ayırıram. Lazım olduğu qədər fərdi və komanda şəklində əla formadayıq. Mövsümün bitməsinə 4 tur qalıb. Turnir cədvəlində birinci yerdəyik. Hesab edirəm ki, çempion titulunu qazanacağıq. Çünki çempionatın bitməsinə 4 tur qalmış ikinci pillədəki “İnter”dən 8 xal öndəyik”.