“Bu, bizim üçün intihar kimidir”

“Kubokla vidalaşdıq, bizim üçün intihar etmək kimidir. Mövsümün ən baxımlı, sürətli başlanğıcını oynadıq. Lakin buraxılan səhv qapımıza qolla nəticələndi”. Futbolxeber.az-ın məlumatına görə, bu sözləri “Qəbələ” ilə oyundan sonra “Xəzər Lənkəran”ın baş məşqçisi Mustafa Dənizli deyib.

Təcrübəli mütəxəssis qışda heyətə cəlb olunan futbolçuları öz istəyi ilə komandaya gətirdiyini qeyd edib: “Oyunun əvvəlindən yüksək templə oynamağımız nəticə versə idi, nəyəsə ümid edə bilərdik. Risk etməliydik, amma alınmadı. Futbolçuları mən seçmişəm, heç kim “ bu və ya digər futbolçunu heyətə gətirməliyik” sözünü mənə deməyib”.