Kurtar: “İlk hissədə bir şey edə bilmədik”

“Oyuna yaxşı başladıq. Lakin ilk 10 dəqiqədən sonra rəqib çox yaxşı oynadı”. Futbolxeber.az-ın məlumatına görə, bu sözləri “Sumqayıt”la oyundan sonra “Rəvan”ın baş məşqçisi Güvənc Kurtar deyib.

Türkiyəli mütəxəssis komandasının ikinci hissədə üstün tərəf olduğunu qeyd edib: “İlk hissədə bir şey edə bilmədik, amma  2-ci hissədə üstün oynadıq. 2-ci hissədəki oyunla qalib gəlməli idik, təəssüf ki, alınmadı. Bir neçə qol epizodundan istifadə edə bilmədik. Oynamayan futbolçulara şans verirəm ki, lazımi idman formasına düşsünlər. Bu tempə alışmaq lazımdır. Futbolçu həftədə iki oyun oynamalıdır ki, daha sürətli tempdə oynasın”.