Dənizli: “Səfər matçlarına Lənkəran hava limanından öz təyyarəmizlə uçacağıq”

Bir neçə gün əvvəl Türkiyəyə yollanan Mustafa Dənizli vətənində olarkən təkcə seçkilərdə səs verməklə kifayətlənməyib. Futbolxeber.az-ın məlumatına görə, Dənizli qardaş ölkədən maraqlı bir xəbərlə qayıdıb. Təcrübəli çalışdırıcı aprelin 3-də Lənkəranda baş tutan məşqdən öncə keçirdiyi qısa toplantıda futbolçuları təbrik edərək belə deyib: “Təbrik edirəm artıq komandanın öz təyyarəsi olacaq və bundan sonra avtobusla  yol qət edib yorulmayacaqsız. Səfər matçlarına Lənkəran hava limanından öz təyyarəmizlə uçacağıq”.

Xatırladaq ki, “Xəzər Lənkəran” klubunun sahibi Mübariz Mənsimovun prezidenti olduğu “Palmali” şirkətlər qrupunun nəzdində “PalmaliAir” şirkəti də fəaliyyət göstərir.