“Rəvan” kubok matçına hazırlaşır

Azərbaycan Premyer Liqasında ardıcıl 2 qələbə qazanaraq seriya yaxalayan "Rəvan” indi də diqqətini Azərbaycan Kuboku turnirinə yönəldib. Futbolxeber.az-ın məlumatına görə, “Rəvan” 1/4 final mərhələsi çərçivəsində "Bakı” ilə qarşılaşacaq. İlk oyun martın 12-də baş tutacaq ki, "Rəvan” ev sahibi qismində çıxış edəcək.

Komanda bu oyunun hazırlıqlarını davam etdirir. Dünən bərpaedici məşq olmuşdusa, bugünkü hazırlıq tam qrafik üzrə həyata keçirildi. "Bayıl Arena”dakı məşqdə baş məqşçi Güvənc Kurtar yetirmələrini taktiki-texniki yöndə daha da püxtələşdirməyə çalışırdı. Bütün futbolçuların iştirak etdiyi hazırlıqda yalnız son tur matçında zədələnən Julio Sezar fərdi proqram əsasında məşq etdi.