Aleks de Souza meydana 1000 nömrəli forma ilə çıxdı

“Fənərbaxça”nın sabiq üzvü Aleks de Souza daha bir özünəməxsus rekorda imza atıb. Futbolxeber.az-ın məlumatına görə, braziliyalı futbolçu karyerası ərzində 1000-ci oyuna çıxıb. Yubiley oyunu 36 yaşlı futbolçunun hazırda şərəfini qoruduğu “Koritiba”nın “Malucelli” ilə oynadığı qarşılaşmaya təsadüf edib. 1 həftə əvvəl “Rio Branco”ya qarşı baş tutan matçda meydana 999 nömrəli forma ilə çıxan Aleks, bu dəfə də 1000 nömrəli formanı geyib. Yubiley oyununda braziliyalı futbolçu meydanı qolsuz tərk etməyib. O, rəqibi penaltidən vurduğu qolla məyus edib.