Benites: “Mata son 2 ildə “Çelsi”nin ən yaxşı futbolçusu idi”

“Napoli”nin baş məşqçisi Rafael Benites Xuan Matanın “Çelsi”dən “Mançester Yunayted”ə keçidini şərh edib. Futbolxeber.az-ın məlumatına görə, ispan mütəxəssis sabiq futbolçunun London klubunun ən yaxşısı olduğunu bildirib: “Mənim indi “Çelsi” haqda danışmağım düzgün olmaz. Yalnız onu deyə bilərəm ki, Mata son iki ildə “Çelsi”nin ən güclü futbolçusu idi. Bu qədər. Siz özünüz də rəqəmlərin sayəsində dediklərimin həqiqət olduğunu görə bilərsiniz. Bir daha deyirəm ki, mənim başqa bir klubun siyasətini dəyərləndirmək ixtiyarım yoxdur”.

Xatırladaq ki, ötən mövsümün əvvəlində Mata Benitesin rəhbərliyi altında “Çelsi”də forma geyib.