Del Pyero: “Yuventus”la oyundan sonra karyeramı bitirə bilərəm”

“Yuventus”un sabiq üzvü Alessandro Del Pyero yayda futbolçu karyerasını başa vura bilər. Futbolxeber.az-ın məlumatına görə, təcrübəli forvard Turin klubuna qarşı baş tutacaq yoxlama görüşündən sonra futbolla vidalaşa biləcəyini istisna etməyib: “Mövsümlərarası fasilədə baş verənlərə baxacağam. Bəlkə də “Yuventus”a qarşı keçiriləcək yoldaşlıq görüşü karyeramdakı son oyun oldu. İndidən gələcəyimlə bağlı dəqiq bir söz deyə bilmərəm. Yaşımın çox olmasına baxmayaraq, hazırda özümü yaxşı hiss edirəm”.

Xatırladaq ki, avqust ayında “Yuventus” Avstraliya liqasında mübarizə aparan ulduzlardan qurulmuş komandayla yoldaşlıq görüşü keçirəcək.