Alabanın yeni klubu müəyyənləşdi

Avstriyalı müdafiəçi David Alaba karyerasını İtaliyada davam etdirəcək.

Futbolxeber.az saytının məlumatına görə, bu barədə insayder Fabritsio Romano paylaşım edib.

Bildirilib ki, 32 yaşlı futbolçu “Udineze”yə keçidlə bağlı razılığa gəlib. Tərəflər şifahi olaraq bütün məsələlərdə razılaşıblar. Hazırda yalnız hüquqi prosedurların tamamlanması qalır.

Qeyd edək ki, daha əvvəl “Roma”, “Latsio” və “Barselona”nın da Alabanın xidmətində maraqlı olduğu barədə məlumatlar yayılmışdı.

Alaba 2021-2026-cı illərdə “Real”ın formasını geyinib. O, bu müddətdə bütün turnirlərdə 132 oyuna çıxıb, 5 qol vurub və 9 məhsuldar ötürmə edib.