“Real” ilkə imza atdı

Madrid “Real”ı ilkə imza atıb. Futbolxeber.az-ın məlumatına görə, “Kral klubu” İspaniya Kubokunda finala qapısında 1 qol belə görmədən yüksələn ilk komandadır.

“Real” 1/16 finalda “Olimpik”i (0:0, 2:0), növbəti mərhələdə “Osasuna”nı (2:0, 2:0), 1/4 finalda “Espanyol”u (1:0, 1:0), yarımfinalda isə “Atletiko”nu (3:0, 2:0) mübarizədən kənarlaşdırıb.

“Real”ın finaldakı rəqibi isə bu gecə baş tutacaq “Real Soseydad” - “Barselona” matçından sonra müəyyənləşəcək.

Xatırladaq ki, bu komandalar arasında baş tutan ilk matçda Kataloniya klubu rəqibini 2:0 hesabı ilə üstələyib.