Qazaxıstan millisinin baş məşqçisi müəyyənləşdi

Qazaxıstan Futbol Federasiyası (KFF) niderlandlı mütəxəssis Con vant Sxipi milli komandanın baş məşqçisi vəzifəsinə təyin edib.

Futbolxeber.az saytının məlumatına görə, bu barədə federasiyanın mətbuat xidməti açıqlama yayıb.

Bildirilib ki, mütəxəssislə müqavilə qurumun İcraiyyə Komitəsinin iclasından sonra imzalanacaq.

Qeyd edək ki, Con vant Sxip məşqçilik karyerası ərzində Niderlandın "Ayaks", "Tvente", "Zvolle", Meksikanın "Qvadalaxara" və Avstraliyanın "Melburn Siti" klublarına rəhbərlik edib. O, 2016-cı ildə "Melburn Siti" ilə Avstraliya Kubokunun qalibi olub.

62 yaşlı mütəxəssis həmçinin Yunanıstan və Ermənistan milli komandalarının baş məşqçisi vəzifəsində çalışıb.