Tanınmış klubun baş məşqçisi xəstəxanaya yerləşdirilib

“Seltik”in baş məşqçisi Martin O’Nil kiçik tibbi prosedurdan sonra xəstəxanaya yerləşdirilib.

Futbolxeber.az saytının məlumatına görə, bu barədə Şotlandiya klubu açıqlama yayıb.

Klub 74 yaşlı mütəxəssisin vəziyyəti ilə bağlı detalları açıqlamasa da, onun yaxın 1-2 gün ərzində işinə qayıdacağının gözlənildiyini bildirib.

“Seltik” azarkeşlərə baş məşqçiyə ünvanlanan xoş arzulara və dəstəyə görə təşəkkür edib.

Qeyd edək ki, Martin O’Nil iyunun əvvəlində “Seltik”in baş məşqçisi vəzifəsinə rəsmən təsdiqlənib. Onunla “1+1” illik müqavilə imzalanıb. Təcrübəli mütəxəssis ötən mövsüm komandanı çempionluğa və Şotlandiya kubokuna daşıyıb.