"Milan"ın əfsanəsi vəfat etdi

"Milan"ın və İtaliya millisinin əfsanəvi müdafiəçisi Franko Barezi vəfat edib.

Futbolxeber.az saytının məlumatına görə, bu barədə "Milan"ın mətbuat xidməti açıqlama yayıb.

Ağciyərindən keçirdiyi əməliyyatdan sonra ağır xəstəliklə mübarizə aparan Barezi 66 yaşında dünyasını dəyişib.

Klubun açıqlamasında Barezinin ölümünün böyük itki olduğu vurğulanıb.

Qeyd edək ki, Barezi karyerası ərzində yalnız "Milan"da çıxış edib. O, 1977-1997-ci illərdə 719 matçda iştirak edib, 6 dəfə İtaliya çempionu olub, 3 dəfə Avropa Çempionları Kubokunu (indiki UEFA Çempionlar Liqası) və 2 dəfə Qitələrarası Kuboku qazanıb. Barezi 15 il "Milan"ın kapitanı olub. Karyerasını başa vurduqdan sonra onun geyindiyi 6 nömrəli forma əbədiləşdirilib.

İtaliya millisinin heyətində 81 oyun keçirən sabiq müdafiəçi 1982-ci ildə dünya çempionu olub.