Dünya reytinqi: “Bavariya” birinci, Abışovun komandası onuncudur

Beynəlxalq Futbol Tarixi və Statistikaları Federasiyası (İFFHS) dünyanın ən güclü klublarının yeni reytinq cədvəlini açıqlayıb. Futbolxeber.az-ın məlumatına görə, sıralamaya əvvəlki kimi “Bavariya” başçılıq edir. Madrid “Real”ı ikinci, “Çelsi” isə üçüncü pillədə qərarlaşıb. Bu 3 komanda kimi “Atletiko”, “Barselona” və PSJ-nin də mövqeyində hər hansı dəyişiklik baş verməyib. “Tottenhem” 1 pillə irəliləməklə yeddinci yerə qalxdığı halda, 1 pillə geriləyən “Bazel” səkkizinci, “Atletiko Mineyro” isə doqquzuncu pillədə qərarlaşıb. Millimizin müdafiəçisi Rusan Abışovun çıxış etdiyi “Rubin” isə 1 pillə irəliləyərək, dünyanın ən güclü klublarası arasında 10-cu pilləyə qalxıb.

Digər tanınmış klublardan “Arsenal” 12, Dortmund “Borussiya”sı 14-cü, “Mançester Siti” 16-cı, “Fiorentina” 17-ci, “Yuventus” 18-ci, “Latsio” 24-cü, “Milan” 26-cı, “Napoli” 28-ci, “Mançester Yunayted” 30-cu, “Roma” 68-ci, “Liverpul” 129-cu, Milan “İnter”i 146-cı pillədə qərarlaşıb.  

Türkiyə klublarından ən yaxşı göstərici “Trabzonspor”a məxsusdur. Trabzon təmsilçisi 25-ci pillədə qərarlaşıb. “Fənərbaxça” 33-cü, “Qalatasaray” isə 55-cidir.