“Zirə”nin rəqibi Gürcüstan Superkubokunu qazandı

UEFA Konfrans Liqasında “Zirə”nin rəqibi olan “Torpedo” Gürcüstan Superkuboku uğrunda həlledici görüşə çıxıb.

Futbolxeber.az saytının məlumatına görə, Kutaisi təmsilçisi “İberia 1999”la üz-üzə gəlib.

“Torpedo” ilk hissədə 2:0 hesabda önə keçməsinə baxmayaraq, rəqib matçın gedişində tarazlığı bərpa edib. Yekunda qalib penaltilər seriyasında müəyyənləşib. Burada daha dəqiq oynayan “Zirə”nin rəqibi Gürcüstan Superkubokunun qalibi olub.

Kutaisi klubu tarixində dördüncü dəfə Gürcüstan Superkubokuna sahib çıxıb. “Torpedo” buna qədər 2018, 2019 və 2024-cü illərdə də titulu qazanıb.

“İberia 1999” - “Torpedo” (Kutaisi) - 2:2, pen - 5:6

Qollar: Andriç, 5 (0:1), Arabidze, 34 (0:2), Bedoşvili, 37 (1:2), Dadiani, 76 (2:2)

Qeyd edək ki, “Zirə”nin Gürcüstan klubuna qarşı ilk oyunu iyulun 8-də Sumqayıtda, cavab görüşü iyulun 16-da Kutaisidə olacaq.