“Zirə”nin rəqibi yenə qələbəyə həsrət qaldı

“Zirə”nin UEFA Konfrans Liqasındakı rəqibi “Torpedo” Gürcüstan çempionatında növbəti oyuna çıxıb.

Futbolxeber.az saytının məlumatına görə, Kutaisi təmsilçisi 19-cu tur çərçivəsində öz meydanında “Spaeri” ilə qarşılaşıb. Görüş qolsuz bərabərliklə başa çatıb - 0:0.

Bununla da, “Torpedo” ardıcıl dördüncü matçda qələbəyə həsrət qalıb. Əvvəlki 3 turda uduzan Kutaisi klubu bu dəfə heç-heçə ilə kifayətlənib. Xallarının sayını 27-ə çatdıran “Torpedo” 4-cü sıradadır. Lider “Rustavi”nin 32, 2-ci pillədəki “İberia 1999”un 31, 3-cü sıradakı “Dinamo”nun (Tbilisi) isə 28 xalı var. Lakin son iki komanda bir oyun az keçirib.

Qeyd edək ki, “Zirə”nin Gürcüstan klubuna qarşı ilk oyunu iyulun 8-də Sumqayıtda, cavab görüşü iyulun 16-da Kutaisidə olacaq.