Kannavaro: “Portuqaliyaya qarşı mümkün qədər az səhv etməliyik”

Özbəkistan millisinin baş məşqçisi Fabio Kannavaro bu gün DÇ-2026-nın qrup mərhələsinin ikinci turu çərçivəsində Portuqaliyaya qarşı keçirəcəkləri oyundan danışıb.

Futbolxeber.az saytının “Globo”ya istinadən verdiyi məlumata görə, italiyalı mütəxəssis güclü rəqibə qarşı minimum dərəcədə səhv etməli olduqlarını bildirib:

“Portuqaliya bütün aspektlərdə güclüdür. Biz bu cür rəqibə qarşı necə oynamalı olduğumuzu bilməliyik. Meydan boyu boş-boşuna qaçmağa dəyməz. Portuqaliya kimi komandaya qarşı oynayarkən hər şeyi nəzərə almalısan. Bütün gücümüzü verməli və mümkün qədər az səhv etməliyik. Yalnız bu halda oyunun sonunda çıxışımızdan razı qala bilərik”.

Xatırladaq ki, bu gün keçiriləcək Portuqaliya - Özbəkistan matçı Bakı vaxtı ilə 21:00-da start götürəcək. İlk turda Portuqaliya Konqo ilə heç-heçə (1:1) oynayıb, Özbəkistan isə Kolumbiyaya uduzub (1:3).