Deşam: “Mbappe dünya çempionatında qol vurmaq istəyir, yoxlama oyunlarında yox”

Fransa millisinin baş məşqçisi Didye Deşam Kilian Mbappenin DÇ-2026-nın ilk turu çərçivəsində Seneqala qarşı keçirilən oyundakı (3:1) çıxışını dəyərləndirib.

Futbolxeber.az saytının “BeFootball”a istinadən verdiyi məlumata görə, təcrübəli mütəxəssis Mbappenin mundiala xüsusi motivasiya olduğunu söyləyib:   

“Kilian mənə demişdi ki, o, yoxlama oyunlarında qol vurmaq istəmir. Onun hədəfi dünya çempionatında fərqlənməkdir. Bu, Mbappe üçün xüsusi əhəmiyyət kəsb edir”.

Qeyd edək ki, Seneqalla görüşdə dubl edən Mbappe Fransa millisinin tarixində ən yaxşı bombardir olub. O, yığmada meydana çıxdığı 99 matçda 58 qol vurub.