“Milan” Çempionlar Liqasındakı iştirak ərizəsinə əl gəzdirdi

“Milan” Çempionlar Liqasındakı iştirak ərizəsində müəyyən dəyişiklilər edib. Futbolxeber.az-ın məlumatına görə, qış transfer pəncərəsi zamanı komandaya transfer olunan futbolçulardan Maykl Essyen, Adil Rami və Adel Taabartın adı sifariş vərəqəsinə daxil edilib. Lakin komandanın digər yeni transferi Keysuke Honda cari mövsümdə ÇSKA-nın heyətində ÇL-də meydana çıxdığından qitənin ən mötəbər klub turnirində “Milan”a kömək edə bilməyəcək.

Komandanı tərk edən futbolçulardan Alessandro Matri (“Fiorentina”ya keçib), Antonio Noçerino (“Vest Hem”ə icarəyə verilib) və Matias Silvestrenin adı isə iştirak ərizəsindən çıxarılıb.

Hazırda zədədən əziyyət çəkən Stefan Əl-Şəravinin adı isə “A” qrupundan “B” qrupuna keçirilib. Qeyd edək ki, “B” vərəqəsində gənc və klubun öz yetirməsi olan futbolçuların adları qeyd olunur.