“Mançester Yunayted” Edersonu transfer edir

“Atalanta”nın yarımmüdafiəçisi Ederson Lourenso tezliklə klubunu dəyişə bilər.

Futbolxeber.az saytının “Bergamo TV”yə istinadən verdiyi məlumata görə, 26 yaşlı futbolçu karyerasını “Mançester Yunayted”də davam etdirməyə yaxındır. Ederson hazırda vətəni Braziliyada istirahətdə olsa da, hər an müqavilə imzalamaq üçün Mançesterə yollana bilər. Transferin İngiltərə klubuna 40 milyon avroya başa gələcəyi ehtimal edilir.

Qeyd edək ki, Ederson Lourenso son mövsüm “Atalanta”nın heyətində bütün turnirlər nəzərə alınmaqla 41 oyuna çıxıb, 3 qol vurub, 2 dəfə məhsuldar ötürmə müəllifi olub.