“Milan”, “Real”, “Liverpul”, “M.Y”, “İnter”, “Roma” və “Mançester Siti” eyni turnirdə

Yayda ABŞ-da “International Champions Cup-2014” turniri keçiriləcək. Futbolxeber.az-ın məlumatına görə, ötən il olduğu kimi bu il də turnirdə 8 komanda mübarizə aparacaq ki, iştirakçıların da siyahısı artıq bəllidir. Belə ki, turnirdə “Real”, “Milan”, “Mançester Yunayted”, “Mançester Siti”, “Liverpul”, “İnter”, “Roma” və “Olimpiakos” mübarizə aparacaqlar. Turnir 26 iyul - 4 avqust tarixləri arasında baş tutacaq. “A” qrupunda “Liverpul”, “Mançester Siti”, “Olimpiakos” və “Milan”, “B” qrupunda isə “İnter”, “Roma”, “Real” və “Mançester Yunayted” mübarizə aparacaqlar.

Xatırladaq ki, ötən yay ilk dəfə baş tutan yarışın qalibi “Real” olub. “Çelsi” ikinci, “Milan” isə üçüncü pilləyə sahıb çıxıb.