Cəlal Hüseynov 90 dəqiqə meydanda oldu

Bolqarıstan çempionatında 33-cü turun oyunları keçirilir.

Futbolxeber.az saytının məlumatına görə, Azərbaycan milli komandasının üzvü Cəlal Hüseynovun çıxış etdiyi “Arda” səfərdə Plovdiv “Lokomotiv”inin qonağı olub. Matç meydan sahiblərinin qələbəsi ilə başa çatıb - 2:0.

Cəlal Hüseynov da bu matçın iştirakçısı olub. Meydana start heyətində çıxan həmyerlimiz görüşü əvəzolunmadan keçirib. O, 88-ci dəqiqədə sarı vərəqə ilə cəzalanıb.

Qeyd edək ki, hazırda “Arda” 45 xalla 7-ci, “Lokomotiv” isə 52 xalla 5-cidir.