"Bavariya" - PSJ matçı portuqaliyalılara tapşırıldı

UEFA Çempionlar Liqasında yarımfinal mərhələsinin cavab oyunu çərçivəsində keçiriləcək "Bavariya" (Almaniya) - PSJ (Fransa) görüşünə hakim təyinatları açıqlanıb.

Futbolxeber.az saytının məlumatına görə, matç Portuqaliyadan olan hakimlər briqadasına tapşırılıb.

Mayın 6-da keçiriləcək görüşü Joao Pineyro idarə edəcək. Ona Bruno Jesus və Luçiano Meya kömək edəcəklər. Qarşılaşmanın dördüncü hakimi funksiyasını norveçli Espen Eşkaş yerinə yetirəcək.

VAR-da italiyalı Marko di Bello, AVAR-da isə portuqaliyalı Tiaqo Martins olacaq.

Qeyd edək ki, ilk oyunda “Bavariya” rəqibinə 4:5 hesabı ilə uduzub.