Fernando Santuş Qana millisində?

Azərbaycan milli komandasının sabiq baş məşqçisi Fernando Santuş karyerasını Qanada davam etdirə bilər.

Futbolxeber.az-ın məlumatına görə, bu barədə Qananın ghanasoccernet.com saytı yazıb.

Bildirilib ki, 71 yaşlı mütəxəssis Qana millisinin baş məşqçisi vəzifəsinə üç namizəddən biridir. Digər namizədlər onun həmyerliləri Karlos Keyruş və Paulu Bentudur. Milliyə təyinatın tezliklə həyata keçiriləcəyi bildirilir.

Qeyd edək ki, Qana millisi bu yay DÇ-2026-nın final mərhələsində oynayacaq. Bu yaxınlarda komandanın baş məşqçisi olmuş Otto Addo yoxlama matçlarındakı 4 ardıcıl məğlubiyyətdən sonra istefaya göndərilib.