“Tottenhem” UEFA-ya tiffozidən şikayət edib

Dünən Avroliqada keçirilən “İnter” - “Tottenhem” (4:1) oyununda ingilislər italiyan azarkeşlər tərəfindən təhqirə məruz qalıb. Futbolxeber.az xəbər verir ki, bununla bağlı, başda baş məşqçi Andre Villaş-Boaş olmaqla qonaq komanda rəsmləri UEFA-ya şikayət ünvanlayıb.

Xatırladaq ki, oyun zamanı tiffozi Emanuel Adebayor və Kayle Nauqtona qarşı irqçi şüarlar səsləndirərək, onları “meymun”a bənzədiblər. Adebayor bu səbəbdən matçdan sonra mətbuata oyun haqqında fikir bölüşməkdən imtina edib. Mətbuat konfransında yerli azarkeşlərdən şikayət edən Villaş-Boaş bununla bağlı UEFA-nı köməyə çağırıb.