Tiaqo Silva rekorda imza atıb

Braziliya millisinin keçmiş kapitanı, "Portu"nun futbolçusu Tiaqo Silva Avropa Liqasında yeni rekorda imza atıb.

Futbolxeber.az saytının məlumatına görə, Silva ötən gecə 1/8 finalın ilk oyunları çərçivəsində "Ştutqart"la matça (2:1) start heyətdə başlayıb. Bu, onun turnirdəki ilk oyunu olub. Nəticədə 41 yaş 171 günlüyündə olan müdafiəçi Avroliqa tarixində debüt edən ən yaşlı futbolçu adını qazanıb.

Əvvəlki rekord "Atletik"in əfsanəvi hücumçusu Aritz Adurizə məxsus idi. O, turnirdə 40 yaş 245 günlüyündə debüt etmişdi.

Xatırladaq ki, T.Silva 2025-ci ilin sonunda "Portu" ilə müqavilə imzalayıb.