“Liverpul” Ekvador millisinin üzvünü transfer edir

“Liverpul” növbəti transferini reallaşdırmağa yaxındır.

Futbolxeber.az saytının məlumatına görə, İngiltərə klubu “Brügge”dən Hoel Ordenesi heyətinə qatmaq üzrədir. 21 yaşlı futbolçunun keçidi qarşıdakı günlərdə rəsmiləşəcək. Hələlik ekvadorlu futbolçunun transferinin detalları məlum deyil. Lakin keçidin 28 milyon avroya baş tutacağı ehtimal olunur.

Qeyd edək ki, Hoel Ordenes “Brügge”nin heyətində 105 matçda meydana çıxıb, 4 qol vurub, 2 dəfə isə məhsuldar ötürmə müəllifi olub. O, Ekvador millisinin də 14 görüşdə formasını geyib.