Mareska bu gün qovula bilər

“Çelsi” baş məşqçisi Enzo Mareska ilə yollarını bu gün ayıra bilər.

Futbolxeber.az saytının məlumatına görə, bu barədə “The Guardian”ın jurnalisti Aleks Kruk bildirib. Onun sözlərinə görə, italiyalı mütəxəssislə klub rəhbərliyi arasında münasibətlər tam pozulub.

“Çelsi” son 9 matçda cəmi 2 qələbə qazanıb. Son oyunda “Bornmut”la heç-heçədən (2:2) sonra Mareska oyunsonrası mətbuat kolnfransına da qatılmayıb. Klubdan mütəxəssisin özünü yaxşı hiss etmədiyi bildirilsə də, Britaniya KİV-i bunu bəhanə kimi qiymətləndirib.

Qeyd edək ki, “Çelsi” 19 oyundan sonra 30 xalla Premyer Liqada 5-ci yeri tutur.