“Yuventus” Kenan Yıldızla razılığa gəldi

"Yuventus” türk futbolçusu Kenan Yıldızla razılığa gəlib.

Futbolxeber.az saytının məlumatına görə, Turin klubunun strategiya üzrə direktoru Corco Kyellini komandanın gənc ulduzu Kenan Yıldızla yeni müqavilə barədə razılıq əldə olunduğunu açıqlayıb. O, tərəflərin bu razılığa maraqlı olduğunu və prosesin tamamlanması üçün hazırda geriyə yalnız rəsmi imzaların atılmasının qaldığını bildirib.

Qeyd edək ki, “Yuventus”un 20 yaşlı futbolçusu indiyədək komandanın heyətində 98 oyuna çıxıb. O, bu matçlarda 19 qol və 15 məhsuldar ötürmə ilə yadda qalıb.