“Liverpul”un baş məşqçisi: “Qalatasaray” çox ağıllı oynadı”

"Liverpul"un baş məşqçisi Arne Slot UEFA Çempionlar Liqasının Liqa mərhələsinin 2-ci turunda "Qalatasaray"a 0:1 hesabı ilə uduzduqları matçı haqqında danışıb.

Futbolxeber.az saytının məlumatına görə, o, məğlubiyyəti belə şərh edib:

"Yenə məyus olduq. Biz "Kristal Pelas"a qarşı matçdakından fərqli olaraq, həm topla, həm də topsuz oynadıq. İlk hissədə çox yaxşı mübarizə apardıq və 1:0 hesabı ilə önə çıxmaq üçün əla fürsət əldə etdik. Birinci hissədə çox yaxşı fürsətlərimizin olduğunu gördüm, ikinci hissədə isə daha az. Fasilədən sonra topun çox oyunda olduğunu düşünmürəm”.

Mütəxəssis İstanbul klubunun ağıllı oynadığını qeyd edib: “Bəzən penalti kimi situasiyalarda rəqibimizi bir az qabaqlamağı bacarırıq və buna görə Dominik Szoboszlani qınaya bilmərəm. Rəqib 20 faizlik penalti şansını 100 faizə çevirdi. Onlar çox ağıllı idilər. Keçən mövsümdə olduğu kimi, hər şeyi həll edən kiçik epizodlardır. Artıq ikinci dəfədir ki, belə xırda nüanslar bizim yolumuzu kəsir”.

Slot Türkiyə klubuna qarşı oynamağın çətin olduğunu etiraf edib: "Biz ötən mövsümdəki oyun səviyyəmizdən o qədər də uzaqda deyilik. Bu nəticələr cədvəldə özünü göstərir. "Qalatasaray"la matç isə həqiqətən də çətin idi. İndi bizi "Çelsi" ilə gərgin oyun gözləyir".

Qeyd edək ki, sözügedən görüşdə yeganə qolu “Qalatasaray”ın nigeriyalı hücumçusu Viktor Osimhen vurub.