“Mançester Siti” sabiq qapıçısını geri qaytarır

“Bernli”nin qapıçısı Ceyms Trafford “Mançester Siti” keçməyə yaxındır.

Futbolxeber.az saytının məlumatına görə, bu barədə insayder Fabritsio Romano paylaşım edib.

O bildirib ki, iki klub arasında aparılan danışıqlar müsbət yekunlaşıb. 22 yaşlı qapıçı bu gün tibbi müayinədən keçəcək. “Mançester Siti” Ceyms Trafford üçün 31 milyon avro ödəyəcək.

Xatırladaq ki, “şəhərlirlər” 2021-ci ildə Ceyms Traffordu heyətinə qatmışdı. Lakin bir müddət müxtəlif klublarda icarə əsasında çıxış edən gənc qapıçı 17,3 milyon avroya “Bernli”yə satıldı.

Ötən mövsüm o, Çempionşipin ən yaxşı qapıçısı seçilib. Trafford 45 matçdan 29-da qapısını toxunulmaz saxlayıb.