Renatdan məhsuldar ötürmə

Azərbaycan millisinin üzvləri Rahil Məmmədov və Renat Dadaşovun formasını geydiyi “Radomiak” Polşa Ekstraklasasında 26-cı tur oyununa çıxıb.

Futbolxeber.az saytının məlumatına görə, komanda səfərdə “Korona Kielçe” ilə qarşılaşıb. Görüş "Radomiak"ın 3:1 hesablı qələbəsi ilə başa çatıb.

Rahil bu görüşün iştirak ərizəsində yer almayıb.

Meydana oyunun 64-cü dəqiqəsində çıxan Renat isə 67-ci dəqiqədə sarı vərəqə alıb, 90+4-cü dəqiqədə qolun ötürməsini edib.

Qeyd edək ki, “Radomiak” hazırda turnir cədvəlində 34 xalla 9-cudur. “Korona Kielçe” isə 33 xalla 13-cü yerdədir.

Xatırladaq ki, Renat Dadaşov Polşa təmsilçisinin heyətində buna qədər 3 oyuna çıxıb və 2 qolun müəllifi olub.