“Sumqayıt”ın keçmiş baş məşqçisi: “Santuş divara dirənib”

"Sumqayıt"ın keçmiş baş məşqçisi Aleksey Baqa bu gün keçiriləcək Azərbaycan - Belarus yoldaşlıq oyunu ilə bağlı danışıb.

Futbolxeber.az-ın məlumatına görə, football.by saytına açıqlama verən belaruslu mütəxəssis Azərbaycan millisinin son görüşdə Haitiyə böyük hesabla uduzmasının neqativ qarşılandığını bildirib:  

“Azərbaycan - Belarus matçından nə gözləmək olar? Azərbaycan Haitiyə 0:3 uduzdu. Fernandu Santuş legioner məşqçidir. Bu, hər kəs tərəfindən son dərəcə neqativ qarşılanır".

Baqa Azərbaycanda məşqçi işləməyin çətin olduğunu vurğulayıb: “Azərbaycanda işləmək son dərəcə çətindir. Bunu şəxsi təcrübəmdən bilirəm. Fernandu Santuş üçün həqiqət anıdır. Orada yaxşı meydança olacaq. Hava da yaxşıdır. Amma belaruslular üçün oyun çətin keçəcək. Paradoksdur. Portuqaliyalının (Fernandu Santuş nəzərdə tutulut - red.) da işi çətindir, divara dirənib. Ümumiyyətlə, Azərbaycanda tələblər yüksəkdir".

Xatırladaq ki, bu gün keçiriləcək Azərbaycan - Belarus oyunu sabah saat 21:45-də başlanacaq.