Millimizin üzvü Finlandiyada növbəti qolunu vurdu

Azərbaycan millisinin futbolçusu Ozancan Kökçünün çıxış etdiyi Finlandiyanın HİK klubu ölkə kubokunda növbəti görüşünü keçirib.

Futbolxeber.az saytının məlumatına görə, paytaxt təmsilçisi A qrupunun sonuncu turunda KTP ilə üz-üzə gəlib və rəqibini 4:0 hesabı ilə məğlub edib.

Matça ehtiyat oyunçular skamyasından başlayan Kökçü 72-ci dəqiqədə meydana çıxıb. 3 dəqiqə sonra o, komandasının 4-cü qolunu vurub.

HİK 12 xalla qrupda birinci yeri tutaraq, yarımfinala vəsiqə qazanıb.