“Sportinq”in gənc ulduzu PSJ, “Liverpul” və Mançester klublarının hədəfində

“Sportinq”in 17 yaşlı ulduzu Covani Kuenda Avropanın aparıcı klublarının hədəfindədir.

Futbolxeber.az saytının xarici KİV-ə istinadən verdiyi məlumata görə, portuqaliyalıya PSJ, “Liverpul”, “Mançester Siti” və “Mançester Yunayted” maraq göstərir. Adıçəkilən klubların hamısı gənc istedadı qış transfer pəncərəsi zamanı transfer etmək istəyir.

Qeyd edək ki, cari mövsüm Kuenda bütün turnirlər nəzərə alınmaqla “Sportinq”İn heyətində 27 matçda meydana çıxıb, 2 qol vurub və 3 məhsuldar ötürmə müəllifi olub.