“Yuventus”un hücumçusu “Arsenal”ın əsas transfer hədəfidir

“Arsenal” “Yuventus”un hücumçusu Duşan Vlahoviçi transfer etmək istəyir.

Futbolxeber.az saytının məlumatına görə, bu barədə jurnalist Rudi Qaletti bildirib.

Onun sözlərinə görə, 24 yaşlı forvard “topçular”ın qış transfer pəncərəsi zamanı əsas hədəfidir.

Bildirilir ki, Vlahoviçin keçidi baş tutmasa, “Arsenal” Brayan Mbeumo (“Brentford”), Leroy Sane (“Bavariya”) və ya Ceymi Bayn-Qittensdən (“Borussiya”, Dortmund) birini heyətinə qatmağa çalışacaq.

Qeyd edək ki, cari mövsüm Vlahoviç bütün turnirlər nəzərə alınmaqla “Yuventus”un heyətində meydana çıxdığı 22 matçda 12 qol vurub, 2 məhsuldar ötürmə müəllifi olub.