“Mançester Siti” yenə qələbə qazana bilmədi

İngiltərə Premyer Liqasında 18-ci tura start verilib.

Futbolxeber.az saytının məlumatına görə, turun açılış matçında "Mançester Siti" öz meydanında "Everton"u qəbul edib. Görüş 1:1 hesablı heç-heçə ilə başa çatıb.

“Mançester Siti” 14-cü dəqiqədə Bernardu Silvanın qolu ilə hesabda önə keçsə də, 36-cı dəqiqədə “Everton”dan Lliman Ndiaye hesabı müəyyənləşdirib.

Matçın 53-cü dəqiqəsində “Mançester Siti”nin hücumçusu Erlinq Haaland penaltini qaçırdıb.

Qeyd edək ki, "Mançester Siti" bütün turnirlərdə son 13 oyuna cəmi 1 qələbə qazanıb.

Xosep Qvardiolanın komandası bugünkü nəticədən sonra turnir cədvəlində 18 oyundan 28 xalla 6-cı yerdədir. "Everton" isə (17 oyun) 17 xalla 15-ci yerdə qərarlaşıb.