Millimizin üzvü “Şaxtyor” üzərində qələbəyə sevindi

Ukrayna çempionatında 17-ci turun oyunları keçirilir.

Futbolxeber.az saytının məlumatına görə, millimizin yarımmüdafiəçisi Emil Mustafayevin formasını geydiyi “Polissya” öz meydanında “Şaxtyor”u qəbul edib. Matç həmyerlimizin komandasının 1:0 hesablı qələbəsi ilə yekunlaşıb. “Polissya”ya qələbə gətirən qolu 90+1-ci dəqiqədə Boqdan Mixayliçenko vurub.

Mustafayev görüşə əvvəldən sona kimi ehtiyat oyunçular skamyasından izləyib.  

Bu qələbədən sonra sonra Mustafayevin komandası xallarının sayını 27-ə çatdırmaqla turnir cədvəlində 5-ci pilləyə yüksəlib. 33 xala malik “Şaxtyor” isə 3-cü pillədə qərarlaşıb. Lider 40 xalla Kiyev “Dinamo”sudur.