Diniyevin komandası liderliyə yüksəldi

Türkiyə birinci liqasında 16-cı turun oyunları keçirilir.

Futbolxeber.az saytının məlumatına görə, millimizin yarımmüdafiəçisi Coşqun Diniyevin formasını geydiyi “Bandırmaspor” öz meydanında “Gənclərbirliyi”ni qəbul edib.

Ötən tur qırmızı vərəqə aldığı üçün Diniyev bu matçda forma geyməyib.

Görüş 2:2 hesabı ilə yekunlaşıb. “Bandırmaspor” qələbəyə yaxın olsa da, 81-ci dəqiqədə qapısında qol görməklə meydandan 1 xalla ayrılıb.

Lider “Kocaelispor” bu tur məğlub olduğundan “Bandırmaspor” heç-heçə etsə belə, liderliyə yüksəlib. Hazırda hər iki komandanın aktivində 32 xal olsa da, topların daha yaxşı fərqinə görə “Bandırmaspor” hazırda lider, “Kocaelispor” isə ikinci yerdədir.