Krivotsyukun komandasından əzmkar heç-heçə

Cənubi Koreya çempionatında 28-ci turun oyunları keçirilib.

Futbolxeber.az saytının məlumatına görə, milli komandamızın müdafiəçisi Anton Krivotsyukun formasını geydiyi “Deajeon” səfərdə “Gimcheon Sangmu”nun qonağı olub.

“Deajeon” matçın gedişində 0:2 hesabı ilə geridə olsa da, sonradan 2 qol vuraraq heç-heçəyə nail olub.

2:2-lik heç-heçədən sonra Krivotsyukun komandası 28 xalla 12 komanda arasında 11-ci pillədə qərarlaşıb.

Ardıcıl üçüncü görüşdə Anton Krivotsyukun adı matçın iştirak ərizəsinə daxil edilməyib.