Azərbaycanlı futbolçu: “İspaniya ilə oyun Gürcüstan üçün Avro-2024-də sonuncu olacaq”

Rusiya millisinin sabiq üzvü, əslən azərbaycanlı olan Aleksandr Səmədov Gürcüstan yığmasının Avro-2024-dəki çıxışını dəyərləndirib.

Futbolxeber.az saytının məlumatına görə, veteran yarımmüdafiəçi bildirib ki, Gürcüstanın qələbəsi onu təəccübləndirib: “Pley-offa vəsiqə Gürcüstan millisi üçün əla nəticədir. Buna görə onlara təbrik düşür. Gürcülər erkən qol vurdular, sonra isə intizamlı və kompakt şəkildə müdafiə olundular. Portuqaliya rəqib qapısına yol tapa bilmədi. Lakin nəticə onları qane edirdi. Hər halda nəticə qanunauyğundur”. 

Aleksandr Səmədov Gürcüstan yığmasının turnirdəki gələcək perspektivindən də söz açıb: “Düşünürüəm ki, pley-offda Gürcüstan millisinə turnirin favoritlərindən biri rəqib oldu. Onlar üçün çox çətin olacaq. Təbii ki, hər şey mümkündür. Lakin düşünürəm ki, İspaniya ilə oyun Gürcüstan üçün Avro-2024-də sonuncu olacaq. İstənilən halda 1/8 final belə onlara görə uğurdur”.