Xorvatiya millisinin üzvü üçün Avropa çempionatı başa çatdı

Xorvatiya millisinin üzvü Nikola Vlaşiç üçün Avropa çempionatı başa çatıb.

Futbolxeber.az saytının məlumatına görə, hücumameyilli yarımmüdafiəçinin əzələsində problem yaranıb. O, komandanın düşərgəsini vaxtından əvvəl tərk edib.

Vlaşoviç üzləşdiyi xoşagəlməz halla bağlı bunları deyib: “Təəssüflənirəm ki, zədə komandama kömək etməyə imkan vermədi. Mən hazır olmaq üçün mümkün olan hər şeyi etdim. Mənə şans tanıdıqları üçün məşqçilər korpusuna minnətdaram. Bu komandaya inanıram. Əminəm ki, Xorvatiya millisi uğur qazanacaq. Mən onların ən böyük azarkeşi olacağam”.

Qeyd edək ki, ilk matçda İspaniyaya 0:3 hesabı ilə uduzan Xorvatiya millisinin qrupdakı digər rəqibləri İtaliya və Albaniyadır.