Neymar “Əl-Hilal”da qalır

Neymar yayda hazırda formasını geydiyi “Əl-Hilal”dan ayrılmayacaq.

Futbolxeber.az saytının məlumatına görə, dünən onun komandası Səudiyyə Ərəbistanı Kral Kubokunun finalında “Əl-Nəsr”i məğlub edib (1:1, penaltilərlə - 5:4). Bununla da “Əl-Hilal” mövsümü 3 titulla başa vurub.

Matçdan sonra Neymar sosial şəbəkə hesabında komandasının qələbəsi ilə bağlı etdiyi paylaşımda növbəti mövsümü də “Əl-Hilal”da keçirəcəyinə işarə vurub:

“Daha bir titul! Komandanı təbrik edirəm. Uşaqlar, siz yenə möhtəşəm oynadınız. Bu mövsümdəki 3 titula görə təşəkkür edirəm. Lakin gələn ildə mənim üçün də iş saxlayın”.

Qeyd edək ki, Neymar “Əl-Hilal”a 2023-cü ilin avqustunda transfer olunub. Ağır zədə alana kimi, o, klubun heyətində meydana çıxdığı 5 oyunda 1 qol vurub, 3 məhsuldar ötürmə müəllifi olub.