“Qəbələ”nin sabiq baş məşqçisi Renat Dadaşovun klubunda

Azərbaycan millisinin üzvü Renat Dadaşovun da formasını geyindiyi "Hatayspor"un yeni baş məşqçisi müəyyənləşib.

Futbolxeber.az saytının məlumatına görə, komanda Özhan Pulata tapşırılıb. Onunla cari mövsümün sonunadək müqavilə imzalanıb.

Həmçinin kluba yeni idman direktoru da təyin olunub. Bu vəzifəni "Qəbələ"nin sabiq baş məşqçisi Fatih Kavlak icra edəcək.

Qeyd edək ki, "Hatayspor" hazırda Superliqada 33 xalla 18-ci pillədə qərarlaşıb.

Əlavə edək ki, F.Kavlak son olaraq "Adanaspor"da baş məşqçi kimi işləyib. Özhan Polat isə onun məşqçi heyətində yer alıb.