Millimizin üzvü meydandan qovuldu, komandası uduzdu

Türkiyə birinci liqasında 20-ci turun oyunları keçirilir.

Futbolxeber.az saytının məlumatına görə, milli komandamızın üzvü Sərtan Taşkının formasını geydiyi “Manisa” öz meydanında “Ərzurumspor”u qəbul edib. Matça start heyətində başlayan Sərtan Taşkın 90+4-cü dəqiqədə birbaşa qırmızı vərəqə alaraq meydandan qovulub. Bu, “Manisa”nın heyətində ikinci qırmızı vərəqə olub. Daha əvvəl Ensar Akgün 43-cü dəqiqədə komandasını azlıqda qoyub.

Görüşü 9 nəfərlə başa vuran “Manisa” meydandan 0:2 hesablı məğlubiyyətlə ayrılıb. Bu yenilgidən sonra 23 xalda qalan Taşkının komandası 10-cu pillədə qərarlaşıb.