“Qalatasaray”ın müdafiəçisi bu gün müqavilə üçün Münhenə yollanır

“Qalatasaray”ın müdafiəçisi Saşa Boenin “Bavariya”ya keçidi reallaşmaq üzrədir.

Futbolxeber.az saytının “Sky Sport Germany”ə istinadən verdiyi məlumata görə, keçidlə bağlı 2 klub arasında aparılan danışıqlar müsbət yekunlaşıb.

23 yaşlı futbolçu bu gün Münhenə yollanacaq. O, tibbi müayinədən keçdikdən sonra rəsmi müqaviləyə imza atacaq.

“Qalatasaray” bu transferdən 29 milyon avro qazanacaq. Boe “Bavariya” ilə 5.5 illik müqaviləyə imza atacaq.

Qeyd edək ki, o, bu mövsüm “Qalatasaray”ın heyətində meydana çıxdığı 31 matçda 2 qol vurub.