Xavi: “Barselona”da insanları gedişindən sonra qiymətləndirirlər”

Xavi baş məşqçisi olduğu “Barselona”nı tənqid edib.

Futbolxeber.az saytının “Marca”ya istinadən verdiyi məlumata görə, ispan mütəxəssis bildirib ki, Kataloniya klubunda insanlara zamanında lazımi qiymət verilmir:

“Klubda biz insanları yalnız onların gedişindən sonra qiymətləndiririk. İndi Valverde, Kuman, Buskets, Alba... qiymətlidir. Halbuki burada olduqları zaman az qalırdılar onları məhv etsinlər. İndi isə əziyyətləri vurğulanır. Bu, düşünmək üçün ciddi əsasdır. Ümid edirəm ki, gedəndən sonra mənim üçün də darıxacaqsınız. Nəyim varsa, qorumağa çalışıram. Mən dünyanın ən yaxşı klubundayam. Burada olduğum üçün xoşbəxtəm və bunu qiymətləndirirəm”.

Qeyd edək ki, son zamanlar “Barselona”nın Xavini tezliklə istefaya göndərəcəyi barədə xəbərlər yayılıb. 44 yaşlı mütəxəssis isə bildirib ki, bu xəbəri mətbuat aylardır yazır.