Qvardiola Kloppun gedişi barədə: “Bundan sonra daha rahat yatacam”

“Mançester Siti”nin baş məşqçisi Xosep Qvardiola Yurgen Kloppun mövsümün sonunda “Liverpul”u tərk etməsinə münasibət bildirib.

Futbolxeber.az saytının məlumatına görə, ispan mütəxəssis “Sky Sports”a açıqlamasında bildirib ki, növbəti mövsümdən gecələr daha yaxşı yatacaq:

“Liverpul”a qarşı oyunlar demək olar ki, kabusa çevrilmişdi. Ona görə də bundan sonra daha rahat yatacam (gülür). Təbii ki, Kloppun yeri görünəcək. Xəbəri eşidəndə sanki “Mançester Siti” nəsə itirib kimi bir hiss keçirdim. “Liverpul” bizim ən böyük rəqibimizdir. Klopp isə mənim üçün həyatımdakı ən yaxşı rəqib idi. Premyer Liqa üçün onun xarizması, şəxsiyyəti çatışmayacaq. Hər zaman Kloppun işə yanaşmasına, pozitivliyinə heyran olmuşam. Təbii ki, mən ona hər şeyin ən yaxşısını arzulayıram”.

Xatırladaq ki, cümə günü Yurgen Klopp mövsümün sonunda “Liverpul”dan ayrılacağını açıqlayıb.